مصممة الاكسسورات لمياء ابو النجا: الاكسسوارات سر حياتي

كتبت سماح السيد ـ
 

لمياء ابو النجا مصممة اكسسوارات ايدها تتلف في حرير كما يقولون التقينا بها في الحوار التالي

ماذا عن دراستك وسبب احترافك عالم تسويق وانتاج الحلى والاكسسوارات النسائية
اسمي لمياء ابو النجا .. 31 سنة .. درست حاسب الي وبعدها ودخلت بعده اعلام القاهرة .. انا من الاشخاص اللي بتحب تتعلم ومش بتقف عند حاجه معينة عندي افكار مختلفه وبحاول انفذها في الحجات اللي بتعلمها .

من امتى وانتى بتشتغلى فى المجال ده؟ وهل الشغل ده كان هدفك من البدايه ولا لا؟
من وانا صغيرة هواياتي كتير بس كان احبهم ليا الاشغال اليدوية المختلفة زي الكنافاه والكروشية والرسم والتطريز والالوان غيرها ...ابتديت في اول 2012  .. والاكسسورات مكنش هدفي من البدايه خالص  بس جالي تعب جسماني في فتره وكنت قعدت من شغلي ولاني مش بحب القعدة ففكرت اني استغل وقت فراغي في حاجه مفيدة  كنت بحس بمتعه ان بقدر اخرج شكل مرسوم في دماغي لحاجه تتلبس كاكسسوار ما حولتش تكون شغلانه للربح علي اد ما انا ممكن اعمل قطع قليله بس تكون مميزة وعشان كده مش بعيد القطع اللي بنفذها لهواة التميز ...

عايزه كمان اعرف بقالك كام سنه فى المجال؟
وازاى بدئتى تشتغلى فيه؟ من 2012 ( تمت الاجابه في السؤال اللي قبله )   انا شغلي الاساسي حاليا مدير اعمال الفنانة حنان ماضي  وبجانب ده بعمل  الاكسسورز لانه كان بيخرجني من النطاق الروتيني للعهمل وبيخرج مني طاقات .

ومين ساعدك؟
 زوجي و والدتي اكتر حد كان ديما بيساعدني ويساندني .
وازاى بتختارى وتبتكرى اللى بتعرضيه؟
ممكن اشوف صورة الوانها عجبتني او اي حاجه من جمال الطبيعه فبحال احقق اللي عينه شيفاه ممن الوان في شكل قطعة فنية .

وعلاقتك بالاحجار وانواعها؟
اغلب شغلي داخل فيه حجر العقيق هو سعرة معقول بالنسبه للاحجار الكريمه واشكاله والوانه متعددة فبيسمح لي اني اعمل اشكار مختلفه من التصاميم ... ومن الاحجار المحببة لقلبي الفيروز والمرجان

وهل هناك موضه معينه سنويه فى مجال الحلى ؟ اكيد في موضه في بيوت الازياء العالمية سنويا وبتشمل الحلي .. لكن انا مؤمنه ان كل حد ممكن يبتكر المناسب ليه ويكون ليه زوقة الخاص .. او يضيف علي الخط العام للموضه المتبعه .


ولو فيه ايه هيه موضة الربيع الجاى؟
بالنسبه لشتاء وربيع 2017 كان مختلف عن السنوات اللي قبله لاننا كنا اتعودنا ان الالوان الداكنة والترابية بتمثل الوان الشتاء
ولكن علي غير المعتاد تمثل بعض الالوان الصاخبة موضة شتاء  2017  مثل الاحمر والبرتقالي والاخضر والاصفر والموف واللبني
والالوان دي كان ليها تواجد كبير في بيوت ازياء عالميه زي برادا وديور وسيلين
وبالنسبه للربيع الاقمشة المنقوشة والكارو وتدرج الالوان

- هل يؤثر الموسم على مبيعات الحلى؟ وما هى علامات التاثير ده؟

مش بالشكل الملحوظ  لكن  في الصيف بيكون المبيعات اكتر عشان احتياج البنت للصيف بيكون اكتر بحكم اللبس الصيفي اللي بيناسب اكتر لبس الاكسسورات والحلي بشكل اكبر

ولو فيه شروط لارتداء العقد او الاقراط (الحلق) او قواعد معينه فيما يتعلق باللون او الشكل
ياريت تقوليها للقراء
انا مثلا اعرف ان مش من المناسب ارتداء عقد على تى شيرت به رسوم فى منطقة الصدر
فهل ما زالت تلك القواعد موجوده

طبعا في قواعد عامة معروفة للبس الاكسسورات والحلي بس مع التطور وتغير الموضة والزوق العام اختلفت بعض القواعد
زي مزج الدهب والفضة فدة اصبح عادي عند بعض الناس
او ارتداء خواتم مختلفه لاطلالة جريئه
او فكرة تداخل الالوان مع بعض عشان كان ممل جدا اني البس الاكسوورات واللبس كله من نفس الالوان
من الحجات برضه اللي اختلفت ان مبقاش لازم ارتداء الشنطة والجذمة والاسكارف من لون اللبس
وان الاكسسورات الملونه وكبيرة الحجم مناسبه فقط للسهرات فده اتغير في ناس بتلبس الحجات دي الصبح بشكل مهندم بيدي طله مميزةوعصريه مع الحفاظ علي ارتداء قطعة واحدة كبيرة وعدم المبالغة

وهل ارتداء الاحجار الكريمه يجب ان يقتصر على الحفلات والتزاور العائلى او السهرات؟ لا الموضوع مبقاش مقتصر علي الحفلات والمناسبات المهم اختيار الشكل المناسب مع الحدث وعدم المبالغة

وياترى بتشتغلى لوحدك ولا عندك مصنع؟
لا بشتغل كل حاجة لواحدي في البيت
 كمان عايزه اعرف لو كنتى بتوردى لاماكن معينه ؟
لا للاسف لاني مش بشتغل بشكل كبير كل ما بتجيلي فكرة بنفذها وده بيرجع كمان لان يكون عندي وقت .. والعكس سعات بيكون عندي وقت بس معنديش فكرة تستهويني
 ومتوسطات الاسعار؟  ده بيختلف علي حسبالماتريال المستخدمة وصعوبة القكعة في التنفيذ

وايه اكتر حاجه بتلهمك؟ من اكتر الحجات اللي بتلهمني الطبيعة
 ولو كان فيه حاجات بتعوق او بتاثر بالسلب على ابداعك؟
العامل النفسي عشان انا شخص مودي جدا
وبالنسبه ان التسويق كله الكتروني بيكون عن طريق الفيس بوك اللي بيخلي المنشورات توصل لعدد قليل جدا من المتابعين عشان نضطر نعمل اعلانات مدفوعة وده مش متاح اغلب الوقت وبيخلي سعر القطع اغلي في البيع